tirsdag 19. mai 2015

HAGEN I DAG

Jammen lenge sida sist. Her har det vore litt hektisk med heilt andre gjæremål enn hagearbeid.
Me har beisa hus. Skifta farge, så to strøk måtte til. Muren er fornya og herren i huset har bygd ny fin, stor trapp. Kjempefornøgde med alt. Gjenstår å legge flis på verandaen. Det blir nok snart det også.

Dei to siste dagane har blitt brukt til haging og i dag fekk eg litt grønsaksfrø i jorda.
Drivhuset bula ut på alle kantar. Ja, det vart slik i år som alle andre år. Har sådd alt for mykje.
Ikkje har eg hatt anledning til å styre det heller men det ser ikkje ut som det har gjort noko. Det er frodigare enn nokon gong.

No vil eg vise litt frå dagens hagerunde.


Blå himmel og deilig tempratur i dag. 
Velkomen inn i min hage :)


Utsnitt frå beda ved dammen.
Heilt til høgre her skimtar me den nye trappa. Gjenstår å beise den.


Bedet på baksida av dammen.


Tulipanar i mange variantar og fargar....




Det er ei fantastisk løkbløming i år av alle slag.


Litt frå bedet på baksida av huset, sørsida.


Eit anna bed på austsida. 


Bispelue med sitt dekorative bladverk.

Dette var ein liten bit av det som blømer i hagen akkurat no.

Jammen er det fantastisk å vere hagegal folkens.
Sunn og god rekreasjon :))

Ha det godt så lenge.

MarJE.


søndag 8. mars 2015

VÅRLEG ROSA GLEDE.

Anne på Moseplassen har starta opp med X-faktor konkurranse om å vise blomefavorittar.
Den første fargen ut er ROSA.

Mitt val vart denne tidlege vårgleda som er eit tre. Det er til pryd med dei flottaste blomane. Ein insektsmagnet som er så viktig no når vi skal få opp igjen biebestanden, og så kan vi hauste av godsakene.
Ja selvfølgeleg, heilt giftfritt.


Det er epleblomen og mengda dette treet har så gjer det til eit skue om våren. 


Knuppane er mørk rosa i startfasen, så lysna dei meir og meir og blomane blir til slutt i ein sart rosafarge.


Det er heilt proppfullt av blomar og eit rikt matfat til insekta.


Humle som kosa seg midt i matfatet.
På dette stadiet er blomane på sitt finaste.


Bie i full jobb. Når blomane er på hell går dei nesten over i kvitt.


Veit diverre ikkje kva sort det er men kanskje nokon veit det ?
Epla er saftige og smakfulle.
Sjølv om vi tynnar kraftig ut av treet bær det så mykje frukt at vi klarer ikkje å bruke alt.
Vi lager eplemos, kaker, dessertar og gir vekk men likevel blir det til overs.


Det blir godsaker til fuglane.

Dette var mitt Rosa bidrag som er både til pryd og nytte.


x-faktor-rosa

MarJE



søndag 1. mars 2015

VÅRGLIMT FRÅ HAGEN

Lettskya, over 11 + grader og vind som ruska i buskene.

Det er vår i dag.

Måtte ta meg ei runde i hagen for å sjå tilstanden der. Det er forbausande mykje som spirer både av løk, stauder busker og tre. Til og med planter som eg har sådd som ettåringar ser eg spirer.

Det første eg såg på plenen var tydelege spor etter våryr ungdom. Mopeden har kome fram frå vinterlagring og då måtte den prøvast ei runde på plenen å lage spinnespor før ferda putra vidare :))


I år blir det mange Klosterklokker. Tok eit par år å etablere seg skikkeleg og no er dei godt i gang.


Allium som sår seg villig sjølv. Bedet er heilt fyllt med slike spirar. Her ser me frøda i enden.


Mange Klematis har store knuppar.


Primula i mange variantar står også med knuppar, og somme som her med litt pjuskete blomar.


Rognespirea med fin raudorange farge på blada som går over i grønt til sommaren. Ei elska buske av dei fleste insekt. Den er proppfull av bier, humler og sommarfuglar når den blømer. 


Blomen på Rognespireaen med humle, bie og sommarfugl.



I grusbedet er det veldig tidlig i år. Det meste er i spiring også pus som diltar etter meg er komen i vårforma. Kosar seg med ein skvett frå fuglebadet.


Isen på dammen tinar.


Snøklokkene har stått lenge på alt og dei lyser fortsatt opp med sine kvite fine klokker. Ser at eg har delt store tuer i fjord og det skal gjerast etter bløminga i år også. Vil ha mykje over heile hagen. Løkane har sikkert vore i jorda frå før me kjøpte tomta for eg har ikkje planta dei. Veldig kjekt.


Vrihasselen mot den lettskya himmelen.

Inne er også våren komen. Såinga og spiringa er i gang. Klarte ikkje å vente lenger :))
Slik er det berre med totalt hagegale,
Gled meg som aldri før til ein ny hagesesong.

Spirande  helgeglerer som eg vil dele hjå Vivishagerom og litt til....

MarJE.


torsdag 22. januar 2015

Lommetøfler str. 3 - 5 år.

Eit lite kveldsstrikk blir til eit par små lommetøfler.
Raske og enkle å strikke.


Strikka dei i Sports ragg 70 % ull og 30 % polyamid på pinne nr. 4.
Brukte under eit nøste.


Dei ser veldig små ut men tøyer seg og er heilt sikkert passelege opp til ein 5 åring.


Blomen hekla eg av ein rest ullgarn.

I oppskrifta er reima strikka like lang på begge sider slik at den blir sydd saman opp på. Men ein kan lage ei kort og den andre tilsvarande lang slik at den blir sydd saman på sida visst ein ønskjer å ha pynten der.
Oppskrifter finst det mange av på nettet men eg brukte DENNE.
Blomen hekla eg på frihand.

Fint restegarnprosjekt.

Ha ein god kveld.

MarJE

torsdag 15. januar 2015

Medan eg ventar på våren.

Her må det sittast hardt på hendene så ikkje fingeren glid bort på knappen for bestilling av frø.
Etter ein ryddesjau i haust måtte eg bestemme meg for å ha ein sesong uten frøbestilling.  Har nok som det er til mange sesongar. Berre nokre ferske tomatfrø må kjøpast. 

Ser at mange har begynt såinga og eg får glede meg over det eg les om temaet i andre sine bloggar, enn så lenge. Skal prøve å drøye såinga litt slik at det ikkje blir så fullt alle stadar inne. Eit håp om at eg kan få sette ut i drivhuset ganske raskt etter prikling.
 Så får vi sjå kor lenge eg klarer å sitte på hendene  : )



 Medan vinteren fortsette ute har eg kika på det som overvintra inne. Ser ut som det står liv til med det meste. Blodbegera og pelargoniane er det spirar på. Knollar og løk av ymse slag ser fine ut.


Inne blir det kjøpt litt vår nytt å kvikke opp med.


Krysantemum.

Ei lita tilståing : eg har bestilt LØK frå Kina. Hadde aldri våga å gjort det sjølv, men eg var så heldig å få tilbud om å være med på bestilling frå ein erfaren hagemann frå Harstad, Magnar som så mange kjenner gjennom sin store hagelidenskap. Det er løk av forskjellige sortar Nemocharis.
Spennande ........gled meg til dei dukkar opp.


I hagen yrer det av fuglar. Rødstrupen har vore fast gjest i fleire år. Denne sesongen har det kome fleire eksemplar av den.
Har matstasjonar mange plassar og det går uante mender for.


Desse kom i ein stor flokk. Såg ut som duer og var ganske store. Hadde mykje kvitt under og på ryggen mellom vingane. Eg måtte slå opp i fuglebøkene mine og vart overraska då eg fann ut at det måtte ver gråtrost. 



Nokon som veit om det stemmer ? 
Trudde den var heilt vanleg her, men denne har eg ikkje sett før.
Trudde rett og slett ikkje den såg slik ut.



For å ikkje sitte hendene heilt flate medan eg ventar på litt hagerelatert ser dåkke her kva eg syslar med. Strikkepinnane og heklekroken klirrar flittig.

Hadde lisjemora på overnatting i går og då måtte ho prøve litt av produksjonen. Her ein vott av to forskjellige par.

¤

Ha det fint så lenge.

MarJE



mandag 29. desember 2014

ROMJULSSTEMNING

Fortsatt God Jul til alle.

Jula er koma langt og vi nærma oss det nye året.
Dei første juledagane gjekk inn med eit strålande ver. Blå himmel og mange minus som gjorde det ekstra fint å vær ute.

Eg har jobba heile jula fram til no, men har prøvd å kome meg ut ein liten tur kvar dag for å trekke inn den friske lufta.


Fjellheimen som bada seg i sol.


I går kom det ein god del meir snøv. 
Her var eg ute seint i går kveld. 
Det gule lyset kjem frå gatelyktene.


Lysa ved hagedammen har fått snøhattar.



Ved inngangen.
 Pus har vore med meg på runde. Her sitt han å ventar på at eg skal bli ferdig, for han kan ikkje gå inn før meg : )


Lysfat med sviblar . 


Juletreet vårt.
¤

I dag snudde veret. No regnar det så snøven blir våt og tung , det er sørpete og utriveleg å vær ute. Rett og slett vanskeleg å fote seg.


Med denne isrosa Romanze vil eg takke for året som har gått.

Kjekt at så mange har kika innom bloggen ....... og ei ekstra takk til dåkke som har lagt igjen spor.

Då vil eg ønskje ALLE lesarar eit

GODT NYTT ÅR.

Beste helsing

MarJE.



onsdag 3. desember 2014

GRANNY STRIPES BABYTEPPE.

Eller bestemorstriper .......

Kan passe eit slikt teppe for eg vart gamletante ( tante til mammaen ) til den nyfødde guten som fekk dette teppet.

Hekla det i Drops baby merino. 


Brukte seks forskjellige fargar. 


Laga kant rundt av fire omgangar med fastmaskar.


Teppet er litt større enn dei mest vanlege måla på babytepper så han kan bruke det som koseteppe lenge.


Kjekke å lage. Ikkje noko hovudbry og tenking i det heile tatt.
Når eg lagar bestemorstriper brukar eg Drops instruksjonsvideoen som utgangspunkt.
Den finn du HER.
Det som er lurt når du legg opp luftmaskereima er å bruke dobbel tråd. Ellers kan den stramme litt.

¤

God kveld

MarJE

lørdag 29. november 2014

ADVENTSSTAKEN - EIT MINNE FRÅ FAR.

ADVENT.

Tid for gode tankar og gjerningar.

Eg har leita fram gode minner.

Min første adventsstake kom meg i hende for nokså nøyaktig 28 år sida.

Eg var så vidt passert 20 år då me flytta inn i vårt nybygde hus. 
Ikkje hadde me flust med pengar til å kjøpe unødvendige nips til jul.
Men litt ekstra lys vart det. Min far kom å sa at han ville spandere ein " slik julelysestake " på meg. 
Eg skulle få kjøpe akkurat den eg ville ha og den skulle ver skikkeleg, fekk eg beskjed om.


Og skikkeleg er den, like god etter alle desse åra. Medan borna var små hadde den seg nokre runder i gulvet, med det var berre å plukke den opp og den lyste like godt.  Eg bestemte meg for denne kvite varianten. Syns den var ubegripeleg dyr, men sida han hadde sagt at den skulle ver skikkeleg vart det denne. For så mange år sida var elektriske artiklane mykje dyrare enn i dag. Merket er Osram og kvaliteten er nok også bedre enn dagens.

I år er den omkransa av to hjerter med eføy.


Eg syns den er like aktuell i dag som då eg fekk den.


Adventsstaken kjem til å kome fram kvart år så lenge den vil lyse og det trur eg blir lenge.

Eit godt minne om min far som gjekk vekk for 4 1/2 år sida.


ADVENT

Så tender me eit lys i kveld,
me tender det for glede.
Det står og skine for seg sjølv og oss som er tilstades.
Så tender me eit lys i kveld,
me tender det for glede.

av Inger Hagerup
( nynorsk av MarJE)



Så tender eg eit lys i kveld,
til minne om min FAR.

¤

God advent til alle som ser innom meg på bloggen.

Helgegleder som eg deler hjå Vivi


Klem frå 

MarJE