VI KASTAR LOSS OG SETT KURSEN TIL SJØS......

......vil du vere med så kom ombord :)

Den dagen ferien var over kom det nokre fine sommardagar her på Sunnmøre. Sjølv om eg jobbar nattes tider, kunne ikkje finversdagane brukast til soving. Her gjeld det å benytte seg av kvar stråle ein kan få.

Vi var fleire turar denne godvers veka og her kjem ein av dei.

Vi set kursen ut fjorden.

Rett ut for havna ser vi desse fjelltoppane som eg har vist på bloggen mange gongar før.

Midt på biletet Vallahornet 830 m. o. h. i front og bak Saudehornet 1303 m. o. h.

Midt i biletet Melshornet.

Fremste toppen er Hagekamben, i midten Lågehornet og bak Heidskredhornet.

Mellom fjella i dalen går Skorgedalen.

Her rundar vi Lianeset og når vi ser fram og opp.......

..............ser vi Liadalsnipa 924 m. o. h.

Liadalsnipa i bakgrunnen og Raudøya t.h.

På Raudøyholmen som ligg like ved Raudøya går villsauene å beitar.

Vår flotte fjellheim.

Eiksundbrua som går frå Eiksund til Eika og vidare derifrå er det undersjøisk tunell     " Eiksundtunellen " 287 meter under havet. Dette sambandet vart opna i 2008.

No er vi komne på andre sida av brua og fer vidare.....

......vi ankra opp i Langevågen som er ei lita vik på øya Eika.

Frå båten hadde vi denne utsikta.

Vi kosa oss heile dagen med forskjellige aktivitetar. Bading, fridykking med fangst av kamskjell, fisking, strikking og soling :))

Herlige late dagar i frisk luft......berre å nyte roa og lytte etter lydane av fuglekvitter og bølgeskvulp.

Der var jammen den dagen over......

......på veg inn havneløpet.

Nesten komne heilt inn til havneplassen vår.

Takk for turen folkens....dette var ein strålande dag.

Skipsklem frå MarJE.

Frå hagen ein solskinsdag.

Gårsdagen var nydelig med god temperatur. 

Fekk røska og rydda litt i beda. Flytta på frøplanter som hadde sådd seg sjølv slik at dei kom i grupper og ikkje ein her og der. Kanskje det blir fint og frodig neste år.

Før eg starta med haginga tok eg ei runde med kameraet.

Denne sommarfuglen kom flaksande å landa på ein strandnellik. Etter det eg fann på nettet er det " brunflekket perlemorvinge ".

Den hadde ei rift i vingen heilt bak.

Frukta veks seg til.

Enorme forekomstar av plommer. Jau, vi har tynna, men må nok plukke meir. Det har allereie brotna greiner.

I vår grov eg opp rundt alle trea slik at det skulle bli lettare å klippe rundt. Trur dei har likt å sleppt nærkontakt med grasklipparen.

I desse beda har eg planta ringblomar, blodamurant, georginer med mørkt blad og heilt mørke pionvalmue. Ser det ikkje så godt her. Dette var eg så fornøgd med at det blir same sortane til neste år.

Når eg heldt på med dette prosjektet vart alle busker som stod i plenen også flytta. Utvida bed å planta dei der. Så no er det ingen hinder når plenen skal klippast. Til og med klesnora vart fjerna.

Dei brune kvistane som krokar seg midt i biletet er ein dverg lønn med mørke blad . Den var kjempediger og fylde ut eit stort parti i bedet. Men etter denne vinteren var den død ( trudde eg). Fekk stå lenge før eg gjorde noko for å ver på den sikre side. Viste ikkje teikn til liv anna enn heilt ytterst på ei grein og greinene var sprø og tørre. Så eg gjekk i gang med saksa. Var tenkt å fjerne den heilt men synest den var så artig i forma at det fekk stå igjen litt som kunne ver som ein skulptur.
Utrulig men sant.....den kom med mange nye skydd som har vokse godt.

Frå grusbedet sedum Bertram Anderson.

Frå den minste av dammane.

Pyntekorg , sjølv her som det har regna så mykje blømer denne godt.

Men i dag måtte den drage hetta over hovudet. Det pøsregna.

Med desse bileta vil eg ynskje alle ei god og trivelig helg.

¤ ¤ ¤

Hjarteleg takk til alle som ser innom  og les bloggen min. Ei ekstra takk til dåkke som tek dåkke tid til å legge igjen gode ord......slikt blir ein glade av.

Så til mine to nye følgarar...velkomne til Hagen i svingen.

Klem frå MarJE.

LISJEMORS KJOLE I BESTA`S BLOME ENG.

" Lillesøsterkjole " mønster av Tora Frøseth.

Juhu.....endeleg opplett slik at eg fekk ta litt bilete ute av sommarens handarbeid.

Har liggandes litt ferdig som kjem på bloggen etter kvart.

Tråden til denne kjolen kjøpte eg til eit strikkeprosjekt til mammaen til barnebarnet vårt. Den vart ikkje brukt den gongen så no kom den til nytte i denne kjolen.

Det er Gjestal bommul sport og den var litt tjukkare enn den i mønstra så den første eg strikka måtte rekkast oppigjen. Den vart skulejente størrelse. Så 3 månader vart ca 1 1/2 år slik som eg skulle ha den.

Når tråden var gamal passa det å bruke knappar som eg har tatt frå kle som er kassert.
To sølvknappar kvikka litt opp.
Kjolen er strikka frå halsen og nedover og avslutta med ein hekla kant av fastmaskar rundt halsopninga.

Her heng kjolen på buen av treverk og rusta armeringsjern.

Her fekk eg bruke dei merkelappane som eg synest var litt i lengste laget når eg fekk dei. Passa no når plagga har blitt litt større.

Kjolen vaiar i vinden og lukta av erteblomane øverst her er berusande god.

Dette er ein enkel og rask kjole å strikke også for dei som er i startfasen med pinnane.
Mønster finn du her gratis.

God kveld til alle som ser innom bloggen min.
Frå MarJE.

SUNNMØRE REGNAR VEKK.

Etter ei veke med sommar forrige veke har slusene vore på vidt gap sidan.

Og i dag slo det alle rekordar....

.......sjå dei store regndråpane.

Sommarblomane får aldri nok finver til å kome i den store bløminga.

Her ser vi erteblomane som har dekt klatrestativa eg lagde av kvistar.

Det renn nesten som ei elv på vegen.

Denne veka er det det årlige arrangementet " Naturfestivalen " her i kommunen. Det er eit stort opplegg med mange aktivitetar og arrangement av mange slag. I dag blir det avslutta med eit større motbakkeløp " Saudehornet rett opp " 1303 m. o .h. Det er den toppen midt i biletet. Den siste biten er veldig bratt. Fleire kjente personar brukar å delta på dette løpet. I dag måtte det ver ein lite trivelig tur. Skoda låg langt nedi fjellet når dei verste regnbygene kom.

( biletet her er ikkje frå i dag ).

Denne skjønnheita her rakk eg eit bilete av før det braka skikkelig laust.

Rhapsody in blue.

Ein kveld mellom bygene, full av regndråpar fanga eg denne rosa New Down....

.....New Down.

Denne klematisen som har vore feilmerka synest eg er finare enn den den egentlig skulle ver ( Nelly Moser ).Trur det må ver ein hybrid av eit eller anna.

Sjølv om det regnar viser blomane seg frå si beste side :))

Den veks i ein bue av armeringsmatte ved drivhuset. Eg har faktist tatt stikling av denne og den står med knuppar no litt lenger borte i same bedet.

Humlene jobbar overalt i hagen også på denne klematisen.

¤  

Dette var eit regnvått innlegg frå meg.

Blir alt for lite kos i hagen når himmelen slepp ned så mykje fuktigheit. Men det er ivertfall ein ting som trivest godt i beda. Det starta på U...og slutta på .....S. 

Men....men, det ser ivertfall grønt og frodig ut  : D

Ha ein trivelig Laurdagskveld alle saman.

- MarJE -

ROSEBLØMING I JULIHAGEN.

No har vi hatt ei nydelig sommarveke med god varme.

Siste dagane har det vore meldt torden og regn, men vi har sleppt unna heilt til no. 

For øyeblikket ausar det ned og himmelen er svart. Kanskje det blir buldrelydar snart.

Sjølv om vinteren tok med seg mange av rosene, har dei som stod igjen vist seg frå si beste side denne veka.

Applejack har nydelig lukt.

Veit ikkje navnet men den er fin.....

......same rosa som held på og åpne seg. Den skiftar farge etterkvart som prosessen stig fram.

Maidens Blush...heilt nydelig. Kan anbefalst. Kjøpte den sist sommar og den har vokse godt. Den er full av roser og knuppar.

Maidens Blush.

Prestegardsrosa.....den er diger og har ei himmelsk lukt....VAKKER synest eg.

Rose de Resch.

Denne rosa har eg hatt i mange år. Den er trufast sjølv om den ikkje står på den beste plassen. Har små roser. Litt mørkare gule i knupp og bleiknar når den opnar seg.

Rosa Mundi.

Mary Rose.

Mary Rose ilag med Cosmos og små fylte valmuer.

I bakgrunnen skimtast......

....denne rosa. Den grov eg opp hjå eldste sonen min i fjor. Har to stykker. Det virkar som dei er veldig hardføre og friske. Bladverket er skikkeleg fint og glinsande. Rosa utsprunga er stor.

Anar ikkje kva den heiter.....men vakker, vakker.

Her er same bedet frå den vinkelen denne rosa står i front.

No håper eg berre at ikkje regnet slår ned alt som blømer i hagen. Det regnar så kraftig at det høyrest ut som det haglar.

Med desse rosene vil eg ønskje mine nye følgarar hjarteleg velkomne til Hagen i svingen.....veldig kjekt at dåkke vil sjå kva eg syslar med.

¤

Nyt fortsatt gode sommardagar.